రాజకీయ యాక్షన్ థ్రిల్లర్ నేపధ్యంలో రూపొందించిన “గేమ్ చేంజర్” చిత్రం జనవరి 10న థియేటర్లలో విడుదలైంది. ఇది 2022లో వచ్చిన బ్లాక్‌బస్టర్ RRR తర్వాత రామ్ చరణ్ నటించిన సినిమా మరియు విఫలమైన “ఇండియన్ 2” తర్వాత శంకర్ దర్శకత్వంలో వచ్చిన చిత్రం. కియారా అద్వానీ మరియు SJ సూర్యా ప్రధాన పాత్రల్లో ఉన్న “గేమ్ చేంజర్” సినిమాకు బాక్స్ ఆఫీస్ వద్ద తీవ్ర కష్టాలు ఎదురవుతున్నాయి.
ఈ సినిమా మొదటి ఆరు రోజుల్లో భారతదేశంలో 113 కోట్ల రూపాయలు నెట్ మరియు ప్రపంచవ్యాప్తంగా 165 కోట్ల రూపాయలు గ్రాస్ సంపాదించగలిగింది. ఏడవ రోజు, ఎంటర్‌టైన్‌మెంట్ ట్రాకింగ్ పోర్టల్ సక్నిల్క్(Sacknilk) ప్రకారం, ఈ సినిమా 4.75 కోట్ల రూపాయలు అదనంగా సాధించి, 118 కోట్ల రూపాయలు నెట్ గా నిలిచింది. రామ్ చరణ్ సినిమా 450 కోట్ల రూపాయల భారీ బడ్జెట్‌తో రూపొందించబడింది, కానీ ప్రస్తుతం ఉన్న పరిస్థితుల్లో ఈ సినిమా ప్రపంచవ్యాప్తంగా 200 కోట్ల రూపాయలు కూడా మించడం కష్టంగా ఉంది.
“గేమ్ చేంజర్”కి నందమూరి బాలకృష్ణ నటించిన “డాకు మహారాజ్” మరియు వెంకటేష్ నటించిన “సంక్రాంతికి వస్తునాం” సినిమాల నుండి తీవ్ర పోటీ ఎదురవుతుంది. “డాకు మహారాజ్” జనవరి 12న విడుదల కాగా, “సంక్రాంతికి వస్తున్నాం” జనవరి 14న థియేటర్లలోకి వచ్చింది. ఈ రెండు సినిమాలు రామ్ చరణ్ సినిమాకంటే ఎక్కువ ప్రేక్షకులను ఆకర్షిస్తున్నాయి.
“గేమ్ చేంజర్” మేకర్లు తమ బాక్స్ ఆఫీస్ సంఖ్యలను పెంచినట్లు ఆరోపణలు ఎదుర్కొంటున్నారు. మొదటి రోజున ప్రపంచవ్యాప్తంగా 186 కోట్ల రూపాయల గ్రాస్ ఆదాయాన్ని ప్రకటించగా, సక్నిల్క్(Sacknilk) వంటి కొన్ని ట్రేడ్ పోర్టల్లు మాత్రము 86 కోట్ల రూపాయల గ్రాస్ గా నివేదించారు. ఈ 100 కోట్ల రూపాయల వ్యత్యాసాన్ని అనేక ట్రేడ్ విశ్లేషకులు సోషల్ మీడియాలో రుజువు చేశారు.
సక్నిల్క్(Sacknilk) ప్రకారం, ఈ సినిమా 5వ రోజు సుమారు రూ. 6.61 కోట్లను (తెలుగులో రూ. 4.51 కోట్లు, తమిళంలో రూ. 0.73 కోట్లు, మరియు ఇతర భాషల్లో రూ. 1.37 కోట్లు) సేకరించింది. 10వ రోజున, ఇది రూ. 10 కోట్లను (తెలుగులో రూ. 6.5 కోట్లు, తమిళంలో రూ. 0.9 కోట్లు, హిందీలో రూ. 2.55 కోట్లు, మరియు కన్నడలో రూ. 0.05 కోట్లు) చేరుకుంది. 5 రోజుల తర్వాత, ఈ సినిమా 100 కోట్ల మార్కును దాటింది, మరియు ఇప్పటివరకు భారతదేశంలో మొత్తం నెట్ కలెక్షన్ రూ. 112.76 కోట్లగా ఉంది.
ఇది ఇలా ఉండగా, సినిమా యొక్క పైరసీ కాపీలు ఇప్పటికే మనం నెట్‌లో చూస్తున్నాం, మరియు పండగ సందర్భంగా లోకల్ ఛానెల్‌లో కూడా ఈ సినిమానుప్రసారం చేసినట్టు వార్తలు సామాజిక మాధ్యమాల్లో హల్చల్ చేస్తున్నాయి. దీని మీద ఇప్పటికే, నిర్మాత శ్రీనివాస కుమార్ అలియాస్ SKN బహిరంగంగా ‘X’ వేదికగా పోస్ట్ చేయడం జరిగింది. పైరసీ కి సంబందించిన ఎటు వంటి చర్యలు తీసుకుంటున్నారు అనేది బయటకి రావాల్సి ఉంది. – Lavanya Kodeboena
